Skisse for prosjekt for nordsamiske terminologi for sjukepleiarutdanninga

Dette dokumentet var det opprinnelege plandokumentet frå 2021, delar av det blir revidert undervegs.

Bakgrunn

UiT har starta opp ei sjukepleiarutdanning på nordsamisk i ein situasjon der det ikkje har vorte gjort systematisk arbeid for å bygge opp ein nordsamisk terminologi for sjukepleiefaget. Dette prosjektet vil bidra til å bygge opp ein slik terminologi. Eit terminologisk prosjekt av denne typen treng fagfolk med innsikt i sjukepleiarutdanninga og sjukepleie som fag, på samisk, norsk og finsk. Det vil også trenge språkteknologar og terminologar. Norsk er relevant fordi store delar av faglitteraturen på utdanninga vil vere på norsk. Finsk er relevant fordi det for alt terminologisk arbeid for nordsamisk er viktig å vurdere både finsk og norsk terminologi.

Gjennomføring

Gjennomføringa av prosjektet vil inklusere samiskspråklege sjukepleielærarar på IHO i Kautokeino, sjukepleielærarar på IHO i Tromsø og språkteknologar og terminologar ved Giellatekno på ISK i Tromsø.

Delprosjekt

• IHO Kautokeino:
  • Kartlegge eksisterande samisk fagterminologi og undersøke om det finst samiskspråklege fagtekstar.
• IHO Tromsø: Identifisere fagområda det trengst terminologi for, og finne kjelder for å utvikle den terminologien, frå ulike område:
  • ta fram eventuelle eksisterande termsamlingar og ordlister, på norsk og finsk
  • gå gjennom relevant faglitteratur på leit etter saksregister og systematiske framstillingar av terminologien
  • skaffe eit korpus av pensumtekstar eller andre relevante tekstar på norsk og finsk som kan danne utgangspunkt for det empiriske arbeidet
• Giellatekno, ISK:
  • Analysere dei finske og norske tekstsamlingane automatisk og lage frekvensbaserte lemmalister. Samanlikne dei med tilsvarande lister frå kvardagsspråket og dermet få fram kandidatar til det terminologiske arbeidet.
  • Køyre både eksisterande termlister og termkandidatane frå fagtestane gjennom eksisterande norsk-samiske og finsk-samiske ordbøker, for dermed å få moglege kandidatar til termar + å få eit oversyn over dei termane som ikkje finst i eksisterande ordbøker til samisk
• IHO Kautokeino og Tromsø i samarbeid:
  • vurdere dei ulike termkandidatane og bygge ein samisk fagterminologi.

Denne terminologien vil dels gå inn i eksisterande ordbøker og termsamlingar og dels bli tilgjengeleg som eigne lister for sjukepleieutdanninga og som grunnlag for sjukepleielærarar når dei skal lage førelesingar og eventuelt utarbeide faglitteratur på samisk.